Kantonet do të vendosin nëse shkollat do të fillojnë punën më 11 maj

Vendimi përfundimtar mbetet në kompetenca të kantoneve, thuhet në njoftimin e shpërndarë nga Këshilli Federal

Në shkollat fillore dhe sekondare, mësimi mund të rifillojë më 11 maj. Por vendimi përfundimtar mbetet në kompetenca të kantoneve, thuhet në njoftimin e shpërndarë nga Këshilli Federal.

Qeveria po ashtu ka vendosur që gjimnazet kantonale këtë vit duhet të heqin dorë nga provimi me shkrim i maturës. Por, edhe në këtë pikë, vendimi përfundimtar u mbetet kantoneve, transmeton albinfo.ch. Madje, kantoneve u mbetet në përgjegjësi nëse do të heqin dorë nga provimet me gojë ose jo.

Ato kantone që heqin dorë nga provimet me shkrim, do ta zëvendësojnë këtë përmes notave të bëra mbi bazë të përvojës, përcjell albinfo.ch. Shkollat e larta (universitetet) do të duhet të njohin dëshmitë përkatëse, edhe nëse ato janë dhënë pa ju nënshtruar nxënësit provimeve me shkrim.

 

---