Kanadaja ka ashpërsuar rregullat për viza

Të huajt që udhëtojnë në Kanada për vizitë pune, ose studimi e kanë të nevojshme të sigurojnë të dhëna biometrike si shenjat e gishtërinjve etj.

Kanadezët e kanë arsyetuar këtë veprim të tyre për shkak të sigurisë së kanadezëve por edhe për të lehtësuar në anën tjetër procedurat për udhëtim në këtë vend.

Me këto rregulla do të favorizohen vizitorët perspektivë duke e bërë më të vështirë për të tjerët që kanë plane për të vjedhur ose për të përdorur identitetin e një aplikanti për të fituar qëndrim në Kanada.

Në afat të gjatë, përdorimi i këtij informacioni, do të bëjë më të lehtë hyrjen në Kanada, duke siguruar një mjet të besueshëm, të gatshëm për të konfirmuar identitetin e një personi.

Për aplikantët nën 14 vjeç dhe mbi 79 nuk është e domosdoshme pasaporta biometrike.

Gjithashtu diplomatët dhe zyrtarët qeveritarë përjashtohen nga ky rregull.

Aplikimi për vizitë do të kushtojë 85 dollarë kanadezë ndërsa për familje të cilat aplikojnë së bashku do të paguhet një shumë maksimale deri në 170 dollarë.