Ka shkuar në mbi 41 mijë numri i të vdekurve nga tërmetet në Turqi dhe Siri

Keystone (Depo Photos via AP)

Referuar të dhënave të fundit, nga tërmeti shkatërrues në Turqi kanë humbur jetën 35.418 persona dhe në Siri të paktën 5.800 persona. Pothuajse 100,000 u plagosën, përcjell albinfo.ch.

Tërmeti preku 13 milionë njerëz, duke përfshirë rreth 7 milionë fëmijë. Më shumë se 200,000 njerëz po marrin pjesë në kërkim-shpëtim.

Rreth 20 mijë të lënduar po marrin trajtim spitalor. Në dhjetë provinca turke, së bashku me përpjekjet e shpëtimit, ndërtesat e dëmtuara po shkatërrohen qëllimisht dhe po pastrohen rrënojat.

Ndërkohë “mrekullitë” vazhdojnë edhe në ditën e dhjetë të tërmetit. TRT raportoi mëngjesin e sotëm se 77-vjeçarja Fatma Gungor u nxor nga rrënojat 212 orë pas tërmetit shkatërrues. Ajo u shpëtua nga Adiyaman.