Kosova
Ju ku do të dërgohen për shërbim ushtarët e Kosovës
Qeveria e Kosovës në mbledhjen e djeshme ka marrë vendim që t’i propozojë Kuvendit miratimin e vendimit për dërgimin e Kontingjentit të Forcës së Sigurisë së Kosovës jashtë vendit, përkatësisht dërgimin në operacionin në mbështetje të paqes, sipas Marrëveshjes Implementuese, lidhur me Atashimin e Personelit të Forcës së Sigurisë së Kosovës në Kompaninë Roulment të Këmbësorisë në ishujt Falkland.
Misioni i FSK-së do të jetë në mbështetje të paqes në Ishujt Falkland dhe gjatë këtij misioni do t’i nënshtrohet marrëveshjes së nënshkruar me Mbretërinë e Bashkuar. Në këtë mision do të dërgohen deri në 7 pjesëtarë të FSK-së dhe ky mision mund të zgjas deri në tre vjet, me mundësi vazhdimi. FSK në këtë mision do të jetë nën komandën e Forcave të Armatosura të shtetit pritës dhe financiarisht mbulohet nga Buxheti i Republikës së Kosovës”, thuhet në vendimin e Qeverisë.
Ku janë ishujt Falkland dhe cili është kontesti ndërmjet britanikëve dhe argjentinasve?
Ishujt Falkland (Spanjisht: Islas Malvinas) janë një arkipelag në Atlantikun Jugor, i cili gjendet 483 km nga brigjet e Argjentinës, 1,080 km në perëndim të Shag Rocks (Gjeorgji Jugore) dhe 940 km në veri të Territorit Antrantik Britanik. Ata përbëhen nga dy ishuj kryesorë, Falklandi Lindor dhe Falklandi Perëndimor, së bashku me 776 ishuj më të vegjël.
Ishujt Malvinas janë problemet themelore ndërmjet Britanisë të Madhe dhe Argjentinës, dhe për këtë arsye ekzistojnë konflikte për historinë të këtyre ishujve. Britanikët pretendojnë që John Davis i ka zbuluar këta ishuj në vitin 1592, ndërsa argjentinasit pretendojnë që ishujt e kanë zbuluar spanjollët Esteban Gomez dhe Duarte Barbosa. Krahas këtyre konflikteve ndërmjet anglezëve dhe argjentinasve, është e qartë që spanjollët janë vendosur të parët në ishuj.
Britanikët për herë të parë u vendosën në Ishujt Malvinas në vitin 1675, dhe u ballafaquan me rezistencën e spanjollëve deri në vitin 1771 kur u pushtuan ishujt nga britanikët. Në vitin 1774 britanikët u larguan nga ishujt, dhe spanjollët sërish u vendosën në ishujt. Në vitin 1829 spanjollët e lëshuan ishujt në një qeveri të kryesuar nga Lois Vernet, dhe popullit argjentinas. Qeveria e Lois Vernetit në vitin 1831 i konfiskuan anijet Amerikës, të cilat e kishin tejkaluar kufirin detar të ishujve. SHBA-ja dha përgjigje duke dërguar luftanijet. Në vitin 1833 një grup eksplorues anglez gjatë ekspeditës në ishujt Falkland, u hasën me rezistencën e argjentinasve, dhe anglezët e zhdukën të gjithë popullin argjentinas, dhe në këto ishuj prapë u vendosën anglezët. Konflikti mes Argjentinës dhe Britanisë të Madhe vazhdoi me pretendime të të dyja palëve për zotërimin e ishujve, por me anë të marrëveshjeve të ndryshme është ikur nga konflikti i armatosur.
Në vitin 1982 Argjentina kishte pushtuar ishujt, por vetëm pas dy muajsh Britania ktheu administratën e saj, pas tri ditë lufte të ashpër. Qytetarët e Ishujve Falkland, në një referendum të vitit 2016 janë deklaruar 99.8% britanikë.
Popullsia e Ishujve është rreth 3500 banorë. Territori vazhdon të mbetet një çështje e kontestuar në mes të Britanisë dhe Argjentinës, por aktualisht qytetarët e ishujve konsiderohen shtetas britanikë. Edhe prejardhja e banorëve aktualë është kryesisht britanikë dhe suedezë.
E-Diaspora
-
Kalabri - Itali
Gennaro Gattuso flet për rrënjët e tij në Kalabri Gennaro Gattuso rrëfen se dashurinë e vertetë dhe qetësinë e gjen tek rrënjët e gjyshit dhe...
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte