Jep dorëheqje “baba” i inteligjencës artificiale

FB: Geoffrey Hinton

Geoffrey Hinton, 75-vjeçar, që njihet edhe si “baba” i inteligjencës artificiale, ka dhënë dorëheqje nga Google, siç thotë ai, për shkak të rreziqeve që parashihen në këtë fushë.

Duke folur për BBC-në, ai ka thënë se disa nga programet e inteligjencës artificiale janë “mjaft të frikshme”, përcjell albinfo.ch.

“Aktualisht, ato nuk janë më intelegjente se ne – me sa mund të them. Por, mendoj se së shpejti mund të jenë”, ka thënë Hinton, shkruan Radio Evropa e Lirë.

Tutje, Hinton, në shkrimin e tij për gazetën New York Times, thotë se ka aktorë të këqij që mund ta përdorin intelegjencën artificiale për qëllime të këqija.

“Mund ta imagjinoni, për shembull, një aktor i keq si Putin vendos t’u japë robotëve aftësi për të krijuar qëllimet e tij”, ka thënë Hinton, përcjell albinfo.ch.