Shqipëria
Javën e ardhshme Shqipëria nis regjistrimin e popullsisë
Në Shqipëri nga 18 shtatori do të fillojë regjistrimi i popullsisë dhe shtëpive, proces ky që është përgatitur që katër vjet.
Kryeministri i Shqipërisë, Edi Rama, gjatë ditës së sotme në një konferencë për media ka thënë se regjistrimi është operacioni më i rëndësishëm statistikor për të “lexuar të sotmen dhe zhvilluar të ardhmen”, përcjell albinfo.ch.
“Është e rëndësishme për vendin tonë që numri i shqiptarëve që jetojnë në këtë vend të jetë real që askush të mos thotë as që janë shumë dhe i keni shtuar rrugëve dhe as që janë pak, e duke qenë pak jeni një vend që nuk meritonin vëmendjen që pretendoni”, tha ai.
Në anën tjetër ambasadori i Bashkimit Evropian, Luigi Soreca, u shpreh se është e rëndësishme që ky regjistrim të ketë informacione të besueshme statistikore teksa deklaroi se BE-ja ka dhënë 4.8 milionë euro grante për agjencinë e statistikave për të mbështetur këtë proces.
Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera.
Sipas njoftimit, grumbullimi i të dhënave do kryhet me pajisje elektronike teksa pyetësorë janë me tetë module dhe 100 pyetje.
Procesi i marrjes së të dhënave në terren do të zgjasë gjashtë javë dhe mbyllet me 28 tetor teksa të dhënat e para do të publikohen në muajin qershor të vitit 2024.
Në regjistrimin e 12-të të popullsisë në Shqipëri do të angazhohen 7.500 persona.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj