Ja se si çifti zviceran e merr “hallallëkun”

"Po zhvendosemi në shtëpinë e përjetshme në Alp Spielmannda" në Kantonin e Fribourgut në Zvicër

Edith Buess-Wölfel dhe bashkëshorti i saj Theo Buess, pas një sëmundje të rëndë janë ndarë nga jeta përmes organizatës zvicerane për ndihmesë në vdekje “Exit”. Çifti i ndjerë nga Reinachu ka përzgjedhur një vend special për “banesën e fundit”.

Edith dhe Theo Buess e kanë dërguar “lamtumirën e tyre të fundit”, shkruan “Basellandschaftliche Zeitung”, përcjell Albinfo.ch.

Është një përshëndetje jashtëzakonisht e veçantë, të cilën çifti i bashkëshortëve nga Reinachu e ka publikuar të martën pak para se të ndahen nga jeta dhe mund të lexohet në faqen e 13-të të gazetës “BZ”.

Pas një sëmundje të rëndë, ata u ndanë nga jeta me ndihmën e organizatës zvicerane  për ndihmesë gjatë vdekjes “Exit”. “Është udhëtimi ynë i fundit. Po e braktisim Zvicrën Veriperëndimore”, kanë shkruar në përkujtimin e tyre.

E pazakontë sikurse ndarja është edhe “banesa e tyre e fundit”. “Po zhvendosemi në shtëpinë e përjetshme në Alp Spielmannda” në Kantonin e Fribourgut në Zvicër. Për varrimin e tyre, ata kanë angazhuar një institut varrimi nga Bazeli, i cili për shkaqe diskrecioni nuk ka dhënë informata më të hollësishme.

Alp Spielmannda është një vend misterioz, në rrethinën e lokacionit Schwarzsee në para-aplet e Fribourgut. Aty, në një lartësi mbidetare prej 1522 metrash, janë të vendosura varrezat. Edith dhe Theo Buess paraprakisht e kishin kërkuar një varrezë në natyrë. Kjo është varreza e parë e këtij lloji në Zvicër e cila u hap në vitin 1989. Është një varrezë pa lapidarë, qirinj apo ndonjë shenjë tjetër të varrit. Në këtë mënyrë, hiri i kufomës i jepet dheut dhe natyrës.

Ideja për varrezë të tillë ka qenë e një mendimtari zviceran me emrin Franz Aebischer, i cili vdiq në vitin 2008, në moshën 66-vjeçare.

Emrin “Spielmannda”, lokacioni e ka marrë sipas një legjende, e cila rrëfen se një valltar i ka shoqëruar njerëzit në çfarëdo rasti të rëndë duke luajtur me violinë.