Integrimi
Ka frikë se “ia sheh sherrin” emrit
Kandidati i partisë socialdemokrate, Islam Sadiki, kërkon votat e shqiptarëve për t'u zgjedhur asambleist i qytetit Arbon në kantonin Thurgau
Në zgjedhjet komunale që do të mbahen, më 8 mars 2015, Islam Sadiki është i 11-në listën e partisë së tij për këshilltar komunal.
Aktivisti i hershëm premton ndryshime në qytet nëse qytetarët do t`i jepnin besimin. „Do të angazhohem që edhe qytetarët jo-zviceranë të kenë të drejtë vote për zgjedhjet komunale të qytetit. Për këtë kam përkrahjen e turqve, kroatëve, portugezëve”, shprehet ai.
46 vjeçari, aba i pesë femijëve, i ka hyrë kësaj gare politike për të ndryshuar qytetin në një qytet të mirëkuptimit e bashkëjetesës. „Angazhohem për një Arbon tolerant që e nxit integrimin”, thotë kujdestari i një qendre të madhe tregtare në Neudorf.
Islam Sadiki vjen nga fshati Batushë, komuna e Gjakovës. Është ushtarak me profesion dhe ka shërbyer në APJ deri në vitin 1991. Pastaj është arratisur në Zvicër, ku jeton me familje.
Deri para emigrimit në Zvicër, ai kishte shërbyer si nëntoger i APJ-së në Maribor. „Akademinë ushtarake për inxhinieri e kam kryer në Beograd dhe Karlovac. Mirëpo plasi lufta në Kroaci dhe unë dezertova, sepse nuk doja të vrisja civilë”, tregon ai për albinfo.ch
Këtë histori dhune ai e ka lënë pas, dhe tani garon për një nga 30 vendet për parlament të qytetit prej 74 kandidatëve që janë lista të partive për këshilltarë komunalë.
Por, për Sadikun nuk është shumë shqetësues numri i lartë i kandidatëve, Ai ka preukupimin e emrit. “Sikur mos ta kisha emrin Islam”, thotë ai, do të fitoja me siguri. Me këtë emër që ka, ai druan se mund të paragjykohet nga votuesit që nuk e njohin atë dhe aktivitetin e tij.
“Aftësitë e mia më të mëdha për parlamentin e qytetit janë ndërtimi i urave mes gjeneratave dhe kulturave”, shprehet Sadiki.
„Unë jam aktiv dhe i gjithanshëm, ndërtoj ura ndërmjet gjeneratave dhe kulturave”, shkruan ai edhe në slloganin e tij.
Mes tjerash ai shkruan se është anëtar themelues i Festës së Kuluturës në Arbon, bën pjesë në Komisionin për Migrantë si ndërmjetësues ndërkulturor dhe angazhohet tek Forumi 60+/- si dhe në grupin e Teatrit FAST.
Një synim tjetër i tij është binjakëzimi i Arbonit me komunën e Junikut.
„Dua binjakëzimin e Junikut me Arbonin! Në këtë kuadër, një delegacion i parlamentit do të vizitojë këtë vit Kosovën për të parë nga afër mundësitë e bashkëpunimit mes dy komunave” zbulon ai për albinfo.ch.
Mbështetësit e Sadikut u kanë bërë thirrje të gjithë shqiptarëve me të drejtë vote në këtë garë për asamblenë e qytetit me rreth 14 mijë banorë, që ta votojnë atë për t’u zgjedhur deputet në këshillin komunal të këtij qyteti
Të ngjashme
Të tjera nga Integrimi
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa