Ish-ndihmës sekretari i Shtetit, James P. Rubin viziton Ballkanin Perëndimor

State Department

Ish-ndihmës sekretari i Shtetit, James P.Rubin, nga 10 deri më 14 prill do të qëndrojë në tri shtete të Ballkanit Perëndimor. Sipas Departamentit amerikan të Shtetit, Rubin në Pogdoricë të Malit të Zi dhe në Shkup të Maqedonisë së Veriut do të takohet me zyrtarët qeveritarë për të “forcuar mbështetjen për nismat kundër dezinformimit”. “Ai do të diskutojë përpjekjet e Rusisë, përpjekjet e Republikës Popullore të Kinës dhe aktorëve të tjerë dashakeq që përdorin dezinformatat për të minuar demokracinë dhe sigurinë kombëtare në mbarë botën dhe se si shtetet tona mund t’iu kundërvihen së bashku kërcënimeve në hapësirën e informacionit”, tha DASH, shkruan REL, përcjellë albinfo.ch.

Në Tiranë të Shqipërisë, I dërguari i posaçëm dhe koordinatori i Qendrës për Angazhim Global do të marrë pjesë në takime me ambasadorët e Shteteve të Bashkuara që janë të akredituar në shtetet e Ballkanit Perëndimor, shkruan REL, përcjellë albinfo.ch.

James Rubin, ka qenë i angazhuar gjatë periudhës së luftës së fundit në Kosovë. Ai ka mbrojtur vendimin për ndërhyrjen ushtrake ndërkombëtare ndaj forcave serbe në Kosovë. Për angazhimin e tij për çlirimin e Kosovës, më 2013, Kosova i ka ndarë Medaljen Presidenciale të Meritave, raporton REL, përcjellë albinfo.ch.