Kriza në Ukrainë
Ish-kryeministri italian propozon konfederatën evropiane, me Kosovën brenda saj
Ish-kryeministri i Italisë dhe lideri socialdemokrat Enrico Letta e sheh një "konfederatë evropiane" si një mënyrë për të mbështetur procesin e afrimit të Ukrainës me BE-në
“Është e drejtë t’u hapen dyert vendeve që ndajnë të njëjtat përpjekje për liri dhe demokraci”, ka thënë sot ish-kryeministri italian, Enrico Letta, sipas mediave italiane, shkruan nachrichten.at/apa.
Letta, kreu i Partisë Demokratike (PD), e cila bashkëqeveris në Romë, mbrojti krijimin e një konfederate evropiane të përbërë nga të gjitha vendet e BE-27, plus: Ukraina, Gjeorgjia, Moldavia, Maqedonia e Veriut, Serbia, Mali i Zi, Shqipëria, Bosnja dhe Kosova, transmeton albinfo.ch.
Në këtë mënyrë, Ukraina dhe vendet e tjera që presin të anëtarësohen në BE mund të marrin pjesë në jetën publike në Evropë dhe në të njëjtën kohë të vazhdojnë rrugën e anëtarësimit në BE.
Ukraina: Anëtarësimi në BE, i mundshëm vetëm në vitin 2036
“Sipas rregullave aktuale, Ukraina nuk do të jetë në gjendje të anëtarësohet në BE deri në vitin 2036. Kjo është në kontrast të plotë me premtimet e dhëna këto ditë dhe pritshmëritë që po rriten. Për të shmangur zhgënjimin, unë paraqes idenë e një konfederate evropiane të përbërë nga 27 anëtarët e BE-së dhe nëntë vendet kandidate për në BE, përfshirë Ukrainën, shkroi Letta në Twitter.
Europa duhet të “reformohet” për t’u bërë më solide. “Është një angazhim historik”, ka thënë tutje Letta, përcjell albinfo.ch. Konfederata, e cila mund të krijohet brenda një viti, do të inkurajojë dialogun politik midis 36 anëtarëve. Mund të bëhet institucioni që do të mundësonte “vendime të përbashkëta”, duke filluar me “mbrojtjen e paqes, sigurisë dhe promovimin e një modeli të drejtë dhe të qëndrueshëm zhvillimi”.
“Lufta në Ukrainë konfirmon se sa rëndësi ka që të realizohet me sukses zgjerimi”, theksoi kreu i PD-së.
Të tjera nga Kriza në Ukrainë
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?