Kosova

Ish-ambasadori i Kosovës në Maqedoninë e Veriut ftohet nga Gjykata Speciale

E hënë, 30 Tetor 2023 - 13:40 albinfo.ch

Ish-ambasadori i Kosovës në Maqedoninë e Veriut, Gjergj Dedaj, është ftuar nga Dhomat e Specializuara na Hagë për të dhënë dëshmi.

Lajmin e ka bërë të ditur vetë ai, teksa ka njoftuar se për në Hagë do të udhëtojë sot.

“Sot udhëtoj për Hagë. Jam ftuar si dëshmitar në Hagë. Ndonëse viktimë e Serbisë, Dhomat e Specializuara të Gjykatës Speciale në Hagë, përkundër vullnetit tim, më kanë ftuar dëshmitar në Hagë! Zoti e bekoftë Kosovën martire”, ka shkruar ai, përcjell albinfo.ch.

Ndryshe, ai kishte njoftuar në vitin 2021 se ishte kontaktuar nga Zyra e Prokurorit të Specializuar, teksa para disa viteve e kishte akuzuar ish-presidentin Hashim Thaçi se e kishte arrestuar në vitin 1998, derisa po vizitonte civilët në fshatin Qirez të Skenderajt.