Lajme
Një startup që do të pasurojë jetën kulturore të shqiptarëve në Gjenevë
Mirishahe Limani Hiler: "Së bashku, le të ndërtojmë një botë ku çdo ngjarje, çdo takim dhe çdo diskutim hap derën për ide të reja dhe ndryshime domethënëse"

Mirishahe Limani Hiler, është një emër i njohur në jetën kulturore dhe shoqërore të komunitetit shqiptar të Gjenevës e më gjerë. Ajo, së fundi, ka marrë një iniciativë interesante: të krijojë një startup për organizimin e aktiviteteve kulturore dhe të tjera, në qytetin ku jeton dhe në gjithë Zvicrën.
Me këtë rast, zonja Limani Hiler i është drejtuar komunitetit shqiptar me një njoftim ku tregon synimet e iniciativës së saj.
“A e dini se organizimi profesional i ngjarjeve mund t’i shndërrojnë idetë në vepra? Sot, kam kënaqësinë t’ju njoftoj se së shpejti do të filloj me një startup, misioni i të cilit është t’i bëjë këto ide të shkëlqejnë.
Puna do t’ju bëjë që të shihni se, në qendër të qasjes sonë është angazhimi për të bashkuar zërat e shoqërisë sonë për ngjarje që bëjnë ndryshim.
Duke ndjekur këtë plan, ju do të keni një vend ku mund t’i adresoni edhe kërkesat me interes privat e në mënyrë efektive, që është një nga aspektet kryesore të startup-it tonë.
Duke bashkuar mendjet kureshtare e zemrat e pasionuara, idetë dhe qëllimet pozitive, ne mund të krijojmë ngjarje që bashkojnë, informojnë, argëtojnë dhe transformojnë. Në qasjen tonë, ne synojmë të nxisim reflektim, të rrisim ndërgjegjësimin dhe të forcojmë lidhjet brenda komunitetit tonë dhe shoqërisë që i takojmë, duke ofruar shërbim cilësor.
Së bashku, le të ndërtojmë një botë ku çdo ngjarje, çdo takim dhe çdo diskutim hap derën për ide të reja dhe ndryshime domethënëse”, thuhet në fund të njoftimit të Mirishahe Limani Hiler.
E-Diaspora
-
Letra e deputetit Knut Abraham drejtuar diasporës shqiptare në Brandenburg Deputeti i Bundestagut dhe anëtari i Asamblesë Parlamentare të Këshillit të Evropës, Knut Abraham, ka qenë...
-
Londër: Festohet 17 vjetori i Pavarësisë së Kosovës
-
Operacion ndërkombëtar antidrogë në Itali, mes të arrestuarve edhe një shqiptarë
-
Udhëtimi në Kosovë i hap sytë politikanit të SVP-së: “Kemi paragjykuar”
-
Alban Ajdini punoi këpucë që mund të lidhen vetëm me një gisht
Jeta në Austri
-
Popullsia e huaj në Austri po rritet, por ku jetojnë ata? Popullsia e huaj e Austrisë po rritet, me më shumë se 20 për qind të banorëve...
-
Dështojnë negociatat e ekstremit të djathtë për koalicion në Austri
-
Rritet korrupsioni edhe në Austri
-
Gjithnjë e më shumë të diplomuar në Austri janë të papunë, tregojnë shifrat e reja
-
Austri: A priten shkurtime të mëdha të përfitimeve sociale nën qeverinë e re?