I vë zjarrin vetes në protestën kundër politikës zvicerane të azilit

Ngjarja ka ndodhur para Pallatit Federal, në Bernë. Personi në fjalë pësuar lëndime dhe është bartur në spital me autoambulancë

Në kuadrin e një demonstrimi kundër qendrave për dëbim të azilkërkuesve në kantonin e Bernës, në pasditen e sotme një person i ka vënë vetes zjarrin, shkruan bernerzeitung.ch. Ngjarja ka ndodhur para Pallatit Federal, në Bernë, transmeton albinfo.ch. Personi në fjalë pësuar lëndime dhe është bartur në spital me autoambulancë.

Sipas agjencisë Keystone-SDA, një pjesëmarrës i demonstrimit ka konfirmuar përmbajtjen e këtij lajmi në një Twitter të gazetës “Megafon” që është organ i Qendrës Kulturore Autonome të qytetit të Bernës.

Një zëdhënës i policisë së kantonit të Bernës ka konfirmuar gjithashtu se një incident kishte ndodhur në një tubim afër Pallatit Federal, përcjell albinfo.ch. Zëdhënësi Dominik Jäggi po ashtu ka thënë se ky person ishte dërguar në spital me lëndime. Por, ai akoma nuk mund të jepte informacione më të sakta për rrethanat e ngjarjes.

 

---