Humbin jetën dy gra në liqe

Hetimet pritet të sqarojnë nëse aksidenti është shkaktuar nga instalimet elektrike të limanit

Rreth mesditës së sotme në La Neuveville të kantonit të Bernës kanë humbur jetën duke rënë në liqenin e Bielit dy gra dhe një qen. Prokuroria Publike e Bernës ka iniciuar hetimet lidhur me këtë rast fatkeq. Pista në të cilën pritet të zhvillohen hetimet do të orientohet në sqarimin nëse aksidenti është shkaktuar nga instalimet elektrike të limanit të liqenit në këtë lokalitet.

Kur policia dhe forcat e shpëtimit kishin arritur, njëra nga gratë tashmë ishte nxjerrë ende e gjallë nga liqeni, njofton srf.ch duke iu referuar autoriteteve policore. Pak më vonë ajo ka vdekur në spital, transmeton albinfo.ch. Ndërsa gruaja e dytë është nxjerrë e vdekur nga liqeni.

Viktima e parë është një e re 24 vjeçare nga Kantoni i Bernës ndërsa identifikimi i viktimës së dytë ende nuk ka përfunduar.