Humb jetën shqiptari në një aksident trafiku në SHBA, ishte pjesëtar i Gardës Kombëtare Amerikane

Ushtari shqiptar humb jetën tragjikisht në SHBA, të shtunën i jepet lamtumira e fundit

Raportohet se ka ndërruar jetë në një aksident trafiku ushtari i Gardës Kombëtare Amerikane me prejardhje nga Kosova, Fitim Nela, transmeton albinfo.ch.

Sipas raportimeve të mediave të huaja, Nela vdiq teksa ishte duke drejtuar motoçikletën dhe më pas u aksidentua për vdekje.

Shoqata “Peja” në New York ka njoftuar se ceremonia mortore për Nelën do të mbahet të premten, nga ora 14:00 deri në 20:00, ndërsa varrimi do të bëhet të shtunën.

Fitim Nela ishte promovuar në vitin 2022 si pjesë e Batalionit S1 të divizionit të ushtrisë amerikane. /Albinfo.ch

---