Kosova
Holanda e Luksemburgu, thirrje për shtensionim të situatës në veri
Gjatë të martës, keyeministrat e Holandës dhe Luksemburgut kanë qëndruar në Kosovë, ku janë takuar me Presidenten e Kosovës, Vjosa Osmani dhe me kryeministrin e Kosovës, Albin Kurti.
Kryeministri holandez, Mark Rutte, shprehu përkrahjen e tij për dialogun Kosovë – Serbi si zgjidhje e të gjitha problemeve.
“Stabiliteti regjional është proces tejet i rëndësishëm dhe sot kemi shprehur brengat tona për ngritjen e tensioneve mes Kosovës dhe Serbisë. Holanda dhe Luksemburgu tentojnë drejt dialogut dhe të deeskalojmë situatën dhe të normalizohen raportet mes dy shteteve”, u shpreh kryeministri holandez.
I gatshëm për ndihmë ndaj palëve në shtensionim të situatës është shprehur edhe kryeministri i Luksemburgut, Xavier Bettel.
“Jemi këtu sepse dëshirojmë të dëgjojmë, kur është planifikuar ky udhëtim nuk kemi pritur që këto tensione që janë në rajon, nuk kemi pritur që të jenë. Dhe i thamë edhe Albinit, nuk jemi këtu për të gjykuar, këtu jemi për të dëgjuar dhe të mundohemi të ndërtojmë ura”, tha kryeministri i Luksemburgut.
Kryeministri i Kosovës, Albin Kurti, ka falënderuar homologët e tij për vizitën, duke shtuar se vendet kanë marrëdhënie të mira në të gjitha fushat.
“Në lidhje me dialogun për normalizimin e marrëdhënieve me Serbinë, kam theksuar se Kosova është e përkushtuar për marrëdhënie të mira fqinjësore. Ne dëshirojmë zgjidhje evropiane”, tha kreu i ekzekutivit.
Kryeministrat kanë takuar edhe Presidenten e Kosovës, Vjosa Osmani, me të cilën diskutuan po ashtu për veriun, duke shtyrë përpara kërkesat e Bashkimit Evropian për shtensionim të situatës.
Ata po qëndrojnë në Kosovë pas vizitës në Serbi, ku po ashtu u diskutua për hapat tutje për deeskalim të situatës në veri të Kosovës.
Kryeministrat do të takojnë edhe organizatat joqeveritare.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit