Hendbollisti i Kosovës, Drilon Tahirukaj vazhdon karrierën në Zvicër

Skuadra zvicerane Kreuzlingen njoftoi se Tahirukaj tashmë ka nisur stërvitjet në Zvicër

Hendbollisti i Kombëtares së Kosovës, Drilon Tahirukaj ka vendosur që karrierën e tij ta vazhdojë në elitën e Zvicrës, saktësisht në skuadrën Kreuzlingen, shkruan Albinfo.ch.

Skuadra e Zvicrës njoftoi se Tahirukaj tashmë ka nisur stërvitjet në Zvicër.

Pjesë e kësaj skuadre janë edhe shumë reprezentues të Kosovës, duke filluar nga kapiteni Valon Dedaj, pastaj Bujar Ramosaj, Haris Berisha dhe Drenit Tahirukajt. Dreniti është vëllai i Drilonit. Të gjithë këta janë shumë të rëndësishëm për Kombëtaren e Kosovës.
Kreuzlingeni për herë të parë do të luaj në Superligën e Zvicrës.

Drilon Tahirukaj në edicionin e kaluar luajti për skuadrën e Deçanit, vendlindjes së tij. Për shumë edicione 26-vjeçari ishte pjesë shumë e rëndësishme e Besa Famgas, me të cilën skuadër ka fituar shumë trofe.
Kalimi i Drilonit në Zvicër është lajm pozitiv edhe për Kombëtaren e Kosovës në prag të sfidave të ardhshme.

---