Hajnat e biçikletave në aksion

Biçikletat e shtrenjta janë vënë në shënjestër nga hajnat. Bandat profesionale vjedhin qindra biçikleta në Zvicër dhe i shesin jashtë vendit.

Dyqanet e biçikletave gjithnjë e më shumë janë në  shënjestër të hajnave profesionistë. Një prodhuesi në Grenchen “BMC” i janë vjedhur këtë vit biçikleta me vlerë mbi 100 mijë franga zvicerane. Një tregtarit në Muttenz të Baselit i ishte zbrazur dyqani në fillim të tetorit.  Hajnat i plaçkitën 21 biçikleta malore dhe biçikleta për gara në vlerë 70 mijë frangash.

Në të njëjtin fshat hajnat vitin e kaluar kanë vjedhur nga një sallë ekspozite të biçikletave të prodhimit të teknologjisë së lartë mbi 100.000 franga zvicerane.

“Plaçkitjet  në dyqanet e biçikletave të shtrenjta janë shtuar viteve të fundit”, tha Daniel Schärer nga Asociacioni “2rad” në Zvicër. Vetëm këtë vit janë prekur në Zvicrën gjermane 15 dyqane.

Shkalla e zbulimit të vjedhjeve të biçikletave është mesatarisht 1.7 për qind, autorët mbeten kryesisht të panjohur. Hetimet  tregojnë se ato bëhen nga kriminelë të organizuar që i transportojnë produktet e vjedhura jashtë vendit.

“Supozohet se autorët e krimit janë të organizuar në mënyrë profesionale dhe veprojë në banda”, thotë Andreas Hofmann, zëdhënës i policisë së Bernës.

Biçikletat e vjedhura dërgohen me siguri përtej kufirit.

Në një rast është konfirmuar se hajni kishte sjellë biçikletën e vjedhur me autobus nga Evropa Lindore.

Gjithashtu edhe prokurori Komunal i Baselit  flet për kontrabandë.  Nga kontrollet në dogana tashmë biçikletat e vjedhura ishin zbuluar në automjetet që i dërgojnë përtej kufirit në Francë apo Gjermani, deklarohet komisari René Gsell. “Zakonisht bandat e organizuara vijnë në Bazel me automjetet e transportit, pastaj zhduken përtej kufirit”, thotë Gsell.