Gratë në moshë që e kalojnë COVID-in mund të vuajnë nga komplikime të vazhdueshme

Gratë në 40-at e 50-at që mbijetojnë nga COVID kanë më shumë të ngjarë të vuajnë nga probleme të vazhdueshme, sipas studimit në Mbretërinë e Bashkuar

Gratë në të 40-at dhe 50-at e tyre shfaqen më të rrezikuara nga problemet afatgjata pas daljes nga spitali pas COVID-19, me simptoma të vazhdueshme, të tilla, si lodhje, marrje fryme dhe ‘mjegull’ në tru, dy studime në Mbretërinë e Bashkuar zbuluan të mërkurën, shkruan “TheGuardian”, përcjell albinfo.ch.

Një studim zbuloi se pesë muaj pas largimit nga spitali, pacientët COVID-19 të cilët ishin gjithashtu të moshës së mesme, të bardhë, femra dhe kishin probleme të tjera shëndetësore, si diabeti, sëmundja e mushkërive ose zemrës, kishin më shumë gjasa të raportonin simptoma të COVID për një kohë të gjatë.

“Studimi ynë zbulon se ata që kanë simptomat më të rënda të zgjatura kanë tendencë të jenë gra të bardha të moshës afërsisht 40 deri 60 vjeç, të cilët kanë të paktën dy kushte shëndetësore afatgjata”, tha Chris Brightling, një profesor i mjekësisë respiratore në Universitetin Leicester, i cili bashkëdrejtoi studimin e njohur si PHOSP-COVID, përcjell tutje albinfo.ch.

---