Kosova
Granit Xhaka ëndërron ta fitojë titullin e kampionit të Bundesligës me Bayer Leverkusenin
Në edicionin e kaluar kapiteni i Zvicrës ishte pjesë e Arsenalit që kishte pesë pikë më shumë se Manchester City pas xhiros së 22-të të Premier Leagues. Arsenali, po ashtu, kishte një ndeshje më pak të luajtur. Kështu që dallimi mund të ishte tetë pikë, përcjell albinfo.ch.
Pas xhiros së 22-të në Bundesligë, skuadra e Xhakës, Bayer Leverkuseni, ka saktësisht tetë pikë më shumë se përcjellësi i parë, Bayerni. Te Leverkuseni besimi se në fund do të jenë kampionë rritet me kalimin e secilës xhiro. Por i “djegur” në të kaluarën, Xhaka bën thirrje për kujdes, ndonëse seria e Leverkusenit është e veçantë.
“Me 32 ndeshje pa humbje asnjë ekip nuk ka fituar ende asgjë. E dimë që është edicion i gjatë. Kemi çka të humbim në secilën ndeshje”, ka thënë Xhaka për “Kicker”, duke bërë thirrje për maturi.
Në Bundesligë janë edhe 12 xhiro. Pra, edhe 36 pikë për t’u fituar. Kështu që Xhaka nuk është “i verbuar” nga fillimi i mirë i pjesës së dytë të kampionatit.
“Tek Arsenali luajtëm mirë në pjesën e parë të kampionatit, por edhe në pjesën e dytë, pos në tetë ndeshjet e fundit në të cilat fatkeqësisht e humbëm titullin”, ka thënë Xhaka.
Por lideri i Leverkusenit i beson stabilitetit të skuadrës. Ai merr shembull dy ndeshjet e fundit të Leverkusenit. Për shembull, të shtunën, Leverkuseni fitoi 2:1 ndaj Heidenheimit të papërshtatshëm. Ajo fitore e vështirë erdhi pas triumfit 3:0 ndaj Bayern Muenchenit. Kampioni aktual humbi edhe në fundjavë dhe kështu mbeti prapa në garë me Leverkusenin.
“Ekipi është shumë i matur, me shumë besim. E kemi dëshmuar këtë sërish”, ka thënë kosovari.
Leverkuseni është në garë për titull në Bundesligë, është në gjysmëfinale të Kupës së Gjermanisë dhe vazhdon garën në Ligën e Evropës.
“Unë e di se si është të jesh lart e të mos fitosh në fund. Të duhet edhe pak fat në fund të ditës. Statistikat nuk gënjejnë. Kemi 32 ndeshje pa humbje dhe nëse fitojmë, në fund do të jem i lumtur ta pranoj këtë rekord”, ka thënë Granit Xhaka.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri