«Google»: 235 milionë kërkesa për heqjen e lidhjeve nga kërkimi

Vitin e kaluar kompania "Google" ka pranuar 235 milionë kërkesa për heqjen e lidhjeve nga kërkimi i tyre.

Shumica e pretendimeve janë ngritur për shkak të mbrojtjes së të drejtave të  autorit. Bëhet fjalë për 90 për qind të rasteve të kërkesave të këtilla.

Megjithatë, kompania nuk pranoi të heqë rreth 21 milionë lidhje (linqe),  sepse kërkesat ishin të paligjshme ose bëhet fjalë për dyfishimin e lidhjeve të  publikimit që janë fshirë.

Numri është rritur në krahasim me vitin 2012 dhe 2011, kur “Google” kishte pranuar vetëm 50 milionë, respektivisht dhjetë milionë kërkesa.

Grupet e antipiraterisë nga industria e muzikës BPI dhe RIAA ishin më aktive me 41.7 milionë, respektivisht 30.8 milionë kërkesa .