Gjykata Ndërkombëtare e Drejtësisë vendos: Izraeli duhet të ndalojë ofensivën në Rafah

Keystone EPA/HAITHAM IMAD

Gjykata Ndërkombëtare e Drejtësisë ka urdhëruar Izraelin të përfundojë menjëherë operacionin e tij ushtarak në Rafah. Vendimi vjen pas një kërkese nga Afrika e Jugut teksa gjyqtarët në Hagë e bazuan vendimin e tyre në situatën katastrofike humanitare në Rafah dhe theksuan nevojën për masa të mëtejshme për mbrojtjen e popullatës civile, transmeton albinfo.ch.

Afrika e Jugut kishte nisur tashmë disa procedura të përshpejtuara kundër Izraelit në kontekstin e një padie për gjenocid, duke argumentuar se Izraeli kishte injoruar urdhrat e mëparshëm të gjykatës, shkruan SRF.

Vendimet e Gjykatës Botërore janë të detyrueshme, por nuk ka mjete të tjera zbatimi përveç mundësisë së përfshirjes së Këshillit të Sigurimit të OKB-së. Mbetet e diskutueshme nëse Shtetet e Bashkuara të Amerikës do të vënë veton ndaj një rezolute të tillë. Izraeli hedh poshtë akuzat për gjenocid dhe thekson të drejtën e tij për vetëmbrojtje kundër Hamasit.