Lajme
Gjykata Federale konfirmon dënimin e bashkëkryetarëve të JSVP për posterin kundër romëve
Bashkëkryetarët e "Junge SVP" të Bernës janë dënuar për diskriminim racor, nga Gjykata e Lartë Federale me gjoba me kusht. Arsyeja është publikimi i një posteri
Bashkë-kryetarët Kantonalë të të rinjve të SVP të Bernës, Adrian Spahr dhe Nils Fiechter, janë përgjigjur të enjten (sot) ndaj akuzës për diskriminim racor përpara Gjykatës Federale në Lozanë të enjten.
Në shkurt të vitit 2018, Junge SVP Bern (JSVP) kishte publikuar një tekst të fushatës zgjedhore me një ilustrim në faqen e saj në internet dhe në Facebook, transmeton albinfo.ch. Fotografia krijonte disponim kundër një pike tranziti të planifikuar atëherë për nomadët romë, shkruan 20minuten.ch.
Ilustrimi tregonte një burrë zviceran me kostum bariu duke shtrënguar hundën për shkak të kundërmimit nga mbeturinat në një park nomadësh. Në ilustrim mund të lexohej: “Ne u themi jo pikave të tranzitit për ciganët e huaj!”
Shoqata e Sintëve dhe Romëve të Zvicrës më pas pati ngritur një ankesë kundër politikanëve Spahr dhe Fiechter për shkelje të ligjit penal të racizmit. Dy politikanët e rinj qenë shpallur fajtorë për diskriminim racor.
Por Spahr dhe Fiechter kishin kundërshtuar vendimin dhe e kishin shtyrë atë në të gjitha shkallët e gjyqësisë, përcjell albinfo.ch. Ata kërkuan që të gjitha dënimet e shkallëve të mëparshme të shfuqizohen dhe ata të lirohen nga akuzat për diskriminim racor.
Interesimi për procesin e së enjtes ishte i madh dhe salla në Gjykatën Federale ishte e mbushur plot, transmeton albinfo.ch. Gjykata Federale me vendimin e saj la në fuqi gjykimin e parë për diskriminim racor. Spahr dhe Fiechter u dënuan secili me nga një gjobë me kusht, njëri në 30 njësi ditore prej 160 frangash dhe tjetri me 30 njësi ditore prej 120 frangash. Periudha e kushtit është dy vjet.
Përveç kësaj, Spahr dhe Fiechter detyrohen të mbulojnë kostot procedurale prej 3000 frangash.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Austri
-
“Haushaltsversicherung”: Si funksionon sigurimi i shtëpisë në Austri? “Haushaltsversicherung” është një nga llojet më të njohura të sigurimeve në Austri. Nuk është e detyrueshme,...
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme