Lajme

Gjumi i rregullt gjatë ditës zvogëlon rrezikun e demencës

E diel, 25 Qershor 2023 - 21:10 albinfo.ch
Foto ilustrim

Gjumi i pasdites ndihmon në parandalimin e demencës, tregon një studim i ri.

Një sy gjumë gjatë ditës mund ta ngadalësojë ritmin me të cilin truri juaj tkurret, duke e mbajtur atë më të madh dhe më të shëndetshëm në moshën e mesme dhe të vjetër.

Shkencëtarët në University College London përdorën të dhëna nga 378.932 britanikë të moshës nga 40 deri në 69 vjeç. Skanimet treguan se truri i dremitësve dukej 2.6 deri në 6.5 vjet më i ri.

“Për disa njerëz, dremitjet e shkurtra gjatë ditës mund të jenë një pjesë e enigmës që ndihmon në mbajtjen e trurit të shëndetshëm ndërsa plakemi. Shpresoj se ky studim mund të ndihmojë në zvogëlimin e stigmës që ekziston ende rreth dremitjes gjatë ditës”, është shprehur autorja kryesore e studimit, Dr Victoria Garfield.

Studiuesit sugjerojnë se një sy gjumë deri në 30 minuta në orët e para të pasdites është më i miri. Ata thanë se mund ta mbrojë trurin nga përkeqësimi inga mungesa e gjumit të mjaftueshëm gjatë natës.

 Të tjera nga Lajme

Britania përgatitet për valën e pestë të të nxehtit, temperaturat pritet të kalojnë 36°C

 E-Diaspora

 Jeta në Austri