Gjithnjë e më shumë të kualifikuar të papunë

Foto ilustrim

Një diplomë nga kolegji apo universiteti nuk është një garanci kundër papunësisë. Në të kundërtën, në lindje të Zvicrës, në Aargau, Zug dhe Cyrih, numri i të papunëve të shkolluar është mbi mesataren. Kështu thotë një studim.

Inxhinierët, ekspertët e informatikës dhe teknikët janë kërkuar më se shumti. Por, edhe këta nuk po arrijnë të gjejnë ndonjë vend pune. Kështu vjen në përfundim një studim që është porositur nga zyrat e punësimit në kantonet lindore zvicerane: Aargau, Zug dhe Cyrih.

Mbi 17 për qind e të papunëve kanë përfunduar një kolegj apo një universitet. Kjo do të thotë, çdo i gjashti person.

Në disa kantone përqindja e papunësisë e personave të kualifikuar është edhe më e lartë.

“Në kantonet Zug dhe Cyrih, një e katërta e punëkërkuesve kanë një përgatitje profesionale”, thotë autori i studimit, Julia Casutt.