Gjermania ka energjinë elektrike më të shtrenjtë në G20

Energjia elektrike në Gjermani është më shumë se dy herë më e shtrenjtë se mesatarja e G20

Sipas një analize të realizuar nga portali krahasues i çmimeve Verivox, Gjermania ka çmimet më të larta të energjisë elektrike midis vendeve të G20.

Një kilovat-orë në Gjermani kushton 35.6 centë. Italia vjen pas me 34.5 centë për kilovat-orë dhe  në vazhdim, Britania e Madhe me 32.4 centë, transmeton albinfo.ch.

Mesatarja e çmimit të energfjisüe elektrike në vendet e G20, sipas Verivox, është 16.3 centë shkruan srf.ch duke ju referuar mediave gjermane. Kjo do të thotë që energjia elektrike në Gjermani është më shumë se dy herë më e shtrenjtë se mesatarja e G20.

Verivox përmend barrën e lartë të taksave dhe tatimeve si një arsye kryesore për këtë dallim të madh. Në Gjermani, mbi 60 për qind e çmimit të energjisë elektrike përbëhet nga taksat, tarifat dhe tarifat e rrjetit.

Shoqatat e biznesit kanë bërë thirrje për lehtësim prej kohësh.

---