Lajme
Gjenevë: Mësuesit protestojnë kundër rregullores së re për orarin e punës

Një pjesë e stafit mësimdhënës në Gjenevë ka hyrë sot në grevë për të protestuar ndaj një rregulloreje të re të Departamentit të Arsimit Publik (DIP), e cila, sipas tyre, rrezikon të rrisë ngarkesën e punës pa konsultim të duhur me palët e prekura, shkruan RTS, transmeton albinfo.ch.
Sipas sindikatave, direktiva e re u jep autoriteteve më shumë fuqi për të ndryshuar mënyrën e llogaritjes së orëve të punës dhe përjashton aspekte thelbësore të punës mësimore, si detyrat edukative, nga koha e konsideruar si mësimdhënie. Kjo, thonë ata, çon në rritje reale të ngarkesës së punës dhe në shtrembërim të rolit të mësuesit.
“Bëhet fjalë për një logjikë kontabël që nuk pasqyron kompleksitetin e profesionit tonë,” u shpreh Waël Almoman, përfaqësues i Sindikatës së Mësuesve të Shkollave të Mesme të Gjenevës. Ai shtoi se greva po ndiqet nga 20 deri në 30 mësues për shkollë, me një pjesëmarrje të vlerësuar në 15 deri në 20 përqind, transmeton albinfo.ch.
Nga ana tjetër, DIP e hedh poshtë këtë interpretim, duke deklaruar se nuk do të ketë rritje të ngarkesës së punës dhe se numri i orëve mësimore dhe i orëve vjetore të punës mbetet i pandryshuar.
Ndërkohë, sindikatat paralajmërojnë se do të vazhdojnë aksionin sindikal nëse autoritetet nuk ulen në dialog serioz për të shqyrtuar ndikimin real të reformës mbi punën dhe mirëqenien e mësimdhënësve, transmeton albinfo.ch.
E-Diaspora
-
Mijëra shqiptarë “pushtuan” rrugët e Nju Jorkut në paradën kuqezi Në rrugët e Nju Jork-ut, sot është zhvilluar parada e përvitshme e komunitetit shqiptar, në rrugët...
-
Arrestohen 11-të persona në Itali, mes tyre shqiptarë
-
Sot nis Alba Festival në zemër të Cyrihut
-
Plagosje me armë në Itali, dyshohet për një shqiptar
-
Bota e logjistikës ajrore: Prapa kuintave të kompanisë Cargologic në Cyrih
Jeta në Austri
-
95.8% e liqeneve dhe lumenjve të Austrisë janë vlerësuar si të “shkëlqyeshëm” Ujërat e banjës së Austrisë kanë rënë nga vendi i dytë në të katërtin në një...
-
Ku në Evropë janë pikat më të pastra dhe më të pista të notit?
-
Pse gjatë verës në Alpe do të ketë reshje shumë më intensive në të ardhmen?
-
Dy të tretat e austriakëve planifikojnë pushime verore
-
Çfarë ndodh me qëndrimin në Austri nëse humbni punën? Ja çfarë duhet të dini