Gjeneva po mendon për mundësinë e një teleferiku urban

Kjo ide pritet të realizohet në mars të vitit të ardhshëm. Rruga është e gjatë 12 kilometra

Teleferiku në Londër

Londra e ka një, po ashtu edhe Barcelona, kurse tani për këtë ide po mendon edhe Gjeneva.

Gjeneva po e shqyrton mundësinë e ndërtimit të një teleferiku urban përgjatë një rruge që përfshinë aeroportin dhe pikën kufitare Bardonnex, raportoi “La Tribune de Geneve”, shkruan “The Local”.

Rruga e preferuar do të shtrihej për 12 km në mes të kalimit kufitar Bardonnex në parkun P47 dhe udhëtimin në Grand-Saconnex, nëpërmjet Perly, Les Cherpines, Bernex-Confignon, Blandonnet dhe Aeroportit Cointrin, përcjell albinfo.ch.

Rruga do të shmangte qendrën e qytetit dhe zonat e banimit. Kjo ide ka qenë që disa vjet, dhe në një studim fillestar në vitin 2016 ishin përpiluar si 12 rrugë të mundshme.

Tashmë po studiohet se ku do të vendosen shtyllat dhe stacionet në këtë linjë 12. Kjo ide pritet të realizohet në mars të vitit të ardhshëm.

Këtë ide po e shqyrtojnë edhe Fribourg dhe Morges.