G7 po harton plane për të vendosur tarifa të rënda ndaj Rusisë

Keystone (AP Photo/Darko Vojinovic)

Qeveritë perëndimore po hartojnë plane për të vendosur tarifa ndëshkuese mbi tregtinë ruse mes përpjekjeve për të izoluar më tej Moskën nga ekonomia globale pas pushtimit të Ukrainës, shkruan “TheGuardian”, përcjell albinfo.ch.

Në një zhvillim që synon të rrisë presionin mbi Vladimir Putin, grupi G7 i vendeve të pasura po shqyrton opsionet për t’i hequr Rusisë statusin e “kombit më të favorizuar” (MFN) sipas rregullave të Organizatës Botërore të Tregtisë (OBT).

Një veprim i tillë do të nënkuptonte vendosjen e tarifave – taksat kufitare të paguara nga importuesit – për produktet ruse, si vodka dhe mallra të tjera. Të krijuara për të rritur çmimin e mallrave për të dekurajuar tregtinë, tarifat godasin eksportuesit, por gjithashtu mund të rrisin kostot e konsumatorit, përcjell tutje albinfo.ch.