Lajme
Fushata 1 muaj pa alkool, rekomandohet si sfidë
Gjithnjë e më shumë njerëzit po reflektojnë për rolin që luan alkooli në jetën e tyre.
“Tetori esëll!”. Kjo është fushata që kërkon të motivojë këdo në sfidën për të qëndruar pa alkool.
Qendra Amerikane për Kontrollin dhe Parandalimin e Sëmundjeve e klasifikon konsumimin e një ose dy pijeve alkoolike në ditë, si pirje të moderuar. Në të dhënat e grumbulluara, rezulton që dy të tretat e konsumuesve e kapërcejnë këtë cak, të paktën një herë në muaj. Gjatë pandemisë, ky fenomen u thellua edhe më shumë dhe u vu re se njerëzit po konsumonin mesatarisht deri në 4-5 pije në ditë.
Nëse vërtet duam një jetë të shëndetshme, alkooli duhet shmangur plotësisht. Edhe pirja e moderuar dhe e rrallë, gjatë një fundjave, mund të ketë ndikime sociale, emocionale dhe psikologjike, shmruan cnn, përcjell Albinfo.ch.
Sfida njëmujore
Ju mund të mendoni se nuk keni nevojë të ndaloni pirjen e alkoolit, pasi nuk jeni të varur apo nuk keni probleme shëndetësore për shkak të tij. Megjithatë, një muaj detoks, nuk është një ide aspak e keqe. Në vend të alkoolit, ju mund të mblidheni me shoqërinë tuaj dhe të konsumoni pije të ndryshme freskuese joalkoolike apo çajra.
Nga ana tjetër, individët që konsumojnë alkool rregullisht, i shmangen kësaj sfide me mendimin se një muaj nuk do të shërbente për asgjë. Mirëpo, ndonëse një periudhë e shkurtër, ka dëshmi se trupi reagon. Te shumë persona është vënë re se mungesa e alkoolit ka përmirësuar cilësinë e gjumit, gjendjen emocionale, të ngrënit etj.
Si mund t’ia dilni në këtë sfidë?
– Së pari, ekspertët rekomandojnë të filloni sfidën me një pije më pak se zakonisht. Në vend të një gote vere apo birre, ju mund të pini një koktej me sasi të vogël alkooli, derisa ta ndaloni plotësisht.
– Së dyti, informohuni sa më shumë për efektet që shkakton alkooli në trupin e njeriut. Ndoshta kjo mund të ulë dëshirën për të pirë.
– Së treti, duke shmangur alkoolin, ju mund t’i jepni vetes kohë për t’u marrë me aktivitete të tjera frytdhënëse. P.sh. në vend që të uleni për të pirë, ju mund të kaloni një orë në palestër, të lexoni një libër apo të dilni në shëtitje.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik