Freysinger emëron këshilltar Sllobodan Despot-in

Despot, ndërhyrjen e forcave të NATO-s në luftën e ish Jugosllavisë e kishte cilësuar si "Luftë pushtuese".ndërsa masakra e Srerenicës sipas tij nuk ka qenë gjenocid

Oskar Freysinger, deputet nacional nga SVP/UDC, njëherësh ministër i arsimit e Kantonin Valis, Freysinger, ka zgjedhur për këshilltar të tij të jashtëm për komunikim botuesin dhe shkrimtarin me prejardhje serbe dhe me qëndrim në Valis, Sllobodan Despot. Kjo u ka shërbyer shumë medieve zvicerane për të vendosur lidhje në mes të disa deklaratave kontroverse të politikanit zviceran dhe ndikimit të mundshëm të këshilltarit të tij të ri.

Kështu, portali i televizionit publik zviceran SRF veç tjerash shkruan se, në fillim të gushtit Oskar Freysinger kishte treguar synimin për të angazhuar Slobodan Despotin duke e prezantuar atë si “mikun e tij të ngushtë”. Kjo kishte irrituar politikanët e Valisit. Në veçanti për faktin se Despot, i biri i emigrantëve serbokroatë, i cili jeton në Valis dhe është i martuar me një politikane të SVP-së, kishte rënë në sy me deklarata të kontestueshme.

Ai, veç tjerash, ndërhyrjen e forcave të NATO-s në luftën civile të ish Jugosllavisë e kishte cilësuar si “Luftë pushtuese”.

Po ashtu, sipas gazetës Tages Anzeiger dhe Der Bund, Despot konsideron se masakra e Srerenicës nuk ka qenë gjenocid. Me gjithë faktin se Tribunali i Hagës në një vendim të tij atë e ka quajtur në mënyrë të qartë gjenocid.

Freysinger e ka emëruar Despotin si këshilltar të jashtëm për komunikim. Ai do të fillojë nga puna më 1 shtator, ka njoftuar zyra e Qeverisë së kantonit Valis. Mandati i këshilltarit përtërihet një herë në vit.

Ndërkohë ë mediet në gjuhen gjermane i japin publicitet të theksuar këtij emërimi dhe të emëruarin ee quajnë person të kontestuar, ato frankofone, kryesisht e kanë kaluar në heshtje.