Fotografia e Shkëlzen Konxhelit botohet në “Cosmopolitan” të Serbisë

Shkëlzen Konxheli është një nga fotografët më të mirë shqiptarë. Ai jeton në Lucern të Zvicrës ndërsa më prejardhje është nga Lipjani.

Konxheli prej kohësh bashkëpunon me revista të njohura botërore si “Cosmopolitan” “NU ICON”, “Gala”, ndërkohë në studiot e tij në Lucern janë fotografuar yje si Dino Merlin, Dj. Antonio, modelja zvicerane Anja Leuenberger, Kristin Gebert, modeli shqiptar Edison Kelmendi e shumë të tjerë.

Së fundmi ai ka bashkëpunuar me modelen zvicerane Seraina Hunziker, dhe si rezultat i këtij bashkëpunimi, fotografia e realizuar nga ai do të botohet në revistën “Cosmopolitan” në Serbi, e cila do të dal në shitje nga 16 nëntori.

“Seraina for COSMOPOLITAN serbia nov16”, ka shkruar fotografi Konxheli, njofton “albinfo.ch”.

Shkëlzen Konxheli së bashku me frizerin e njohur në Zvicër Ludo Lee, kanë marrë pjesë në të gjitha eventet gala më të njohura në Evropë prej nga shpesh herë na kanë sjellë fotografi me yjet më të njohur të futbollit apo edhe shoubizit botëror.