Flamur Tahiraj në rolin e trajnerit të portierëve tek FC Aarau

Që nga janari i vitit 2011 e deri në fund të sezonit 2017/18, Flamur Tahiraj e ka mbrojtur portë e FC Wohlenit. Pas paralajmërimit të përgjegjësve të klubit gjatë dimrit të kaluar, që ekipi ta tërheqin nga futbolli profesionist, për portierin 31-vjeçar shqiptar shpejt u bë e qartë: Ai do ta përfundojë karrierën e tij si lojtar aktiv dhe do të fillojë të merret si trajner i portierëve.

Për shërbimet e tij ishin interesuar disa ekipe të njohura, në mesin e të cilave edhe FC Zürich. Por, Flamuri u përcaktua për FC Aarau, duke nënshkruar kontratë deri në vitin 2020, shkruan “Aargauer Zeitung”, përcjell Albinfo.ch. Në vitet e kaluara, në ndeshjet e drejtpërdrejta,  si portier i FC Wohlenit Flamuri gjithnjë shpresonte se do të shënohen gola në portën e kundërshtarit. Tani, detyra e tij do të jetë që t`i ushtrojë portierët mundësisht të mos pranojnë gola për këtë ekip.

Një përvojë e mirë për Flamurin është edhe ajo me vitin e kaluar, pasi në FC Wohlen ishte stërvitur me Pascal Zuberbühler, njërin nga portierët më të njohur e më të suksesshëm zviceran të të gjitha kohërave.