VIDEO:Fjalimi i Presidentit Federal Berset, për Vitin e Ri

Presidenti Federal me këtë rast ka vlerësuar gjithashtu Kushtetutën Federale. Ajo këtë vit do të mbushë plot 175 vite, pasi ka lindur në vitin historik, 1848

Presidenti i ri Federal Alain Berset i është drejtuar popullatës së evndit me fjalimin tradicional të Vitit të Ri.

Në fjalën e tij të emetuar nga Radiotelevizioni publik i Zvicrës (SRF) ai ka folur për kohë të vështira, por edhe për kohezionin popullor në kohë krizash, transmeton albinfo.ch

Sipas presidentit Berset, fillimi i vitit të ri tashmë të kaluar qe shoqëruar me shqetësime për shkak të pandemisë, luftës, krizës energjetike dhe inflacionit. Në këto kriza, megjithatë, popullata zvicerane mësoi gjithashtu se ata qëndrojnë së bashku dhe se institucionet janë të forta.

Presidenti Federal me këtë rast ka vlerësuar gjithashtu Kushtetutën Federale. Ajo këtë vit do të mbushë plot 175 vite, pasi ka lindur në vitin historik, 1848. Kulturën e saj të dialogut Zvicra ia ka borxh kësaj kushtetute.

Pas Luftës së Sonderbundit, kantonet fitimtare nuk kanë shkruar thjesht një kushtetutë të re që do ta impononin atë mbi kantonet e mundura katolike. “Jo, ato e bënë kushtetutën së bashku me kantonet e mundura dhe krijuan një shtet sovran që ishte në të njëjtin nivel me fuqitë e Evropës”, ka thënë Berset.

---