Fitore historike, Zohran Mamdani bëhet kryebashkiaku i parë mysliman i Nju Jorkut

Nju Jorku zgjedh për herë të parë një kryebashkiak mysliman

Në një fitore historike për qytetin më të madh të Shteteve të Bashkuara, 34-vjeçari Zohran Mamdani, socialist demokrat, u zgjodh kryebashkiak i Nju Jorkut, duke u bërë kështu kryebashkiaku i parë mysliman në historinë e qytetit, përcjell albinfo.ch. 

Përveç Nju Jorkut, demokratët shënuan fitore edhe në dy zgjedhje të tjera kyçe, duke treguar një impuls të fortë para zgjedhjeve për Kongresin që do të mbahen vitin e ardhshëm. Abigail Spanberger, 46 vjeç, dhe Mikie Sherrill, 53 vjeç, fituan zgjedhjet për guvernator në Virxhinia dhe New Jersey, me epërsi të dukshme.

Mamdani ka premtuar politika progresive, duke përfshirë ngrirjen e qirave, kujdesin falas për fëmijët, transportin publik falas, si dhe rritjen e taksave për korporatat dhe të pasurit për të financuar këto iniciativa.

Pas fitores, ish-presidenti Donald Trump e quajti Mamdanin “komunist” dhe kërcënoi të shkurtojë fondet për qytetin. Por Mamdani nuk u tërhoq:

“Nëse dikush mund t’i tregojë një kombi të tradhtuar nga Donald Trump se si ta mposhtë atë, është qyteti që e lindi atë. Dhe nëse ka ndonjë mënyrë për të tmerruar një despot, është duke çmontuar kushtet që i lejuan atij të grumbullonte pushtet.”

Ai shtoi se Nju Jorku do të mbetet një qytet i emigrantëve:

“Një qytet i ndërtuar, i fuqizuar dhe që nga sonte, i udhëhequr nga një emigrant.”

---