Shqipëria
“Financial Times” shkruan për vendet që duhet t’i vizitoni në Shqipëri
Në udhëtimin e tij 10-ditor gazetari Stanly Stewart viziton vendet antike, si Butrinti dhe Apolonia
Listës së gjatë të mediave më të mëdha ndërkombëtare që vënë në pah bukuritë e Shqipërisë, i bashkohet edhe media prestigjioze “Financial Times”.
Gjiganti mediatik i ka kushtuar një reportazh të gjatë vendeve historike që u mundëson udhëtarëve të kthehen pas në kohë, shkruajnë mediat shqiptare, përcjell albinfo.ch.
Në udhëtimin e tij 10-ditor gazetari Stanly Stewart viziton vendet antike, si Butrinti dhe Apolonia.
Një qytet tjetër i rëndësishëm historik ku ai ndalet është edhe ai i Gjirokastrës, të cilën shkrimtari Ismail Kadare e ka përshkruar si të çuditshëm dhe ëndërrimtar. Sot, vetë shtëpia e tij është Muzeu Etnografik i Gjirokastrës.
Modeli i shtëpisë së shkrimtarit i ngjason edhe të tjerave në qytetin e gurtë, të cilat njihen për modelin e veçantë. Në qendër të arkitekturës së tyre është veçimi i grave, të cilat mund të ndiqnin bisedat pa u parë nga mysafirët.
Mbi çatitë e shtëpive të Gjirokastrës ndodhet kështjella, një atraksion i rëndësishëm i qytetit. Rreth 72 kilometra në veri të Gjirokastrës ndodhet Berati, një tjetër qytet i epokës osmane, por historia e të cilit shtrihej 2400 vjet më parë, madje edhe përtej ilirëve.
Shtëpitë që ngrihen në faqet e pjerrëta të kodrave që duket se qëndrojnë mbi supet e njëra-tjetrës i japin qytetit një pamje të veçantë.
Në këtë qytet ndodhet Kisha e Shën Mërisë, me pikturat e Onufrit, një nga piktorët e mëdhenj të ikonave të shekullit të 16-të. Tiranën e përshkruan si një qytet simpatik. Ka kafene me tarraca në natyrë, një sallë të bukur koncertesh, një muze të madh arkeologjik dhe disa muze modernë tërheqës që dëshmojnë tmerret e periudhës komuniste.
Të tjera nga Shqipëria
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi