Fiasko për “Ecopop”, humb 39:1

Është interesante se nga 40 deputetët e Dhomës së Kantoneve ka qenë vetëm një, Thomas Minder (i pavarur) që ka votuar në favor të iniciativës

Ashtu siç edhe është pritur, Dhoma e Kantoneve e Parlamentit të Zvicrës (senati) ka hedhur poshtë iniciativën e ashtuquajtur “Ecopop”, të lansuar nga Partia e Gjelbër Liberale (GLP).

Në të njëjtë kohë kjo dhomë u ka rekomanduar kantoneve dhe popullit me të drejtë vote që ta hedhin poshtë iniciativën.

Është interesante se nga 40 deputetët e Dhomës së Kantoneve ka qenë vetëm një, Thomas Minder (i pavarur) që ka votuar në favor të iniciativës.

“Ecopop”, një iniciativë që zhvillohet me moton “Stop mbipopullimit – për sigurimin e bazave natyrore të jetesës” kërkon kufizimin e madh të ardhjes së të huajve në Zvicër. Me fjalë të tjera, popullata vendore sipas iniciativës nuk guxon të rritet më shumë se 0.2 për qind.

Kërkesë tjetër e iniciativës është që dhjetë për qind e ndihmave për zhvillim që Zvicra i ndan për vendet e varfra të përdoren për planifikimin e familjeve atje.

Ndonëse votoi kundër, Dhoma e Kantoneve megjithatë u shpreh kundër shpalljes së pavlefshme të iniciativës.