Festë e shkollës shqipe në Neuenhof

Nxënësit e shkollës shqipe në Neuenhof të premten organizuan një festë shkollore për prindërit e tyre. Natyrisht ky manifestim solli edhe nxënës të rinj

Të premten e kaluar, me datën 14. dhjetor 2018 në sallën e shkollës në Neuenhof të Kantonit të Argaut u organizua një manifestim shkollor i cili i mblodhi jo vetëm nxënësit dhe prindërit, por edhe gjyshërit e tyre.

Atë mbrëmje, përveç nxënësve më të lumturit ishin gjyshërit, të cilët kishin ardhur për të shikuar programin festiv të nipave dhe mbesave të tyre, shkruan albinfo.ch.

Gëzimi ishte i papërshkrueshëm  sepse për herë të parë ata shihnin një program shkollor nga një pikë shkollore, në të cilën personazhet kryesore ishin më të dashurit e tyre.

Angazhimi i këtyre fëmijëve në shkollën shqipe është për t`u admiruar. Ata çdo të mërkure ndjekin mësimet në gjuhën amtare, kurse shkolla zvicerane ka ofruar paralel dy klasë, me qëllim që nxënësit të ndahen në dy grupe dhe cilësia e mësimit të jetë ne nivelin e duhur.

Programi i nxënësve të shkollës shqipe në Neuenhof filloi me himnin e flamurit dhe vazhdoi me një fjalë rasti nga mësuesit e tyre  Qefsere dhe Vaxhid Sejdiu, të cilët, jo vetëm që i përgatitën nxënësit për këtë festë, por edhe i prezantuan para prindërve.

Paraqitja e tyre para prindërve ishte mjaft emocionale, recitimet e bukura, këngët e zgjedhura, pjesëmarrja e të gjithë nxënësve në program shkollor pa dallime dëshmoi se pika shkollore në Neuenhof për nga numri i nxënësve është në mesin e pikave shkollore më të mira në Zvicër.

Filluan me recitimet e tyre nxënësit Lina Xhelili, Elsa Dervishi, Ajan Sulejmani, Sebastian Nue, Alketa Xhelili, Shaban Ajeti, Melisa Selimi, Enes Kastrati, Ledion Berisha, Erijon Dervishi,  Erton Kastrati, Tana Limoni, Adilka Derivishi, Lina Limoni, Leona Dervishi, Arlind Xhelili,  AnaSofi Nue, Blerta Bytyqi, Vanesa Nue, Zidan Ajeti, Anisa Xhelili, Nejla Sulejmani etj.

E veçanta ishte se pjesë e programit u bënë edhe prindërit me fjalët e tyre motivuese për shkollën shqipe dhe fëmijët e tyre.

Dhe në fund me këngët e zgjedhura “Moj Arbëri”,  “Jam e vogël për me u pa” dhe këngën “Shqipërinë e dua” të kënduar origjinal nga nxënësit e shkollës shqipe u mbyll programi shkollor.

Për pjesën teknike, rregullimin e sallës dhe natyrisht darkën e organizuar për të gjithë prindërit dhe nxënësit e shkollës shqipe iu takon një mirënjohje e veçantë Këshillit prindëror në Neuenhof: Shpend Limonit, Remzi Kastratit, Faton dhe Driton Dervishit, Blerim Bytyqit, Anton Nue, Ahmet dhe Muhamet Xhelilit, Rijad Ajetit, Mentor Selimit, Mahmut Pnishit, Milazim Sulejmanit etj.

Neuenhof, 16.12.2018

Këshilli Prindëror i shkollës shqipe në Neuenhof

---