Favorizohen dënimet me gjoba në vend të atyre me burg

Në gjendjen ekzistuese, me mijëra shkelje të vogla të ligjeve federale shkaktojnë punë të tepërt për institucionet përkatëse

Ata që bëjnë shkelje të vogla të ndonjërit nga ligjet në nivel federal, në të ardhmen do të mund të dënohen me pagesë gjobe dhe jo me mbajtje burgu. Duke marrë një vendim të tillë me shumicë votash, Dhoma e Kantoneve (Senati) synon shkarkimin e dejtësisë nga barra e tepërt e vendimeve me vuajtje burgu.

Në të vërtetë, në gjendjen ekzistuese, me mijëra shkelje të vogla të ligjeve federale shkaktojnë punë të tepërt për institucionet përkatëse. Kantonet dhe komunat për këtë arsye janë orientuar kohëve të fundit më tepër nga shqiptimi i dënimeve me gjobë.

Gjobat duhet të shqiptohen drejtpërdrejt në vendin ku është kryer shkelja e ligjit, thuhet ne vendim. Si shembull merret rasti i peshkimit ilegal ose çrrenjosja e një fidani që është në mbrojtje të ligjit.

Një gjobë nuk mund të jetë më e lartë se 300 franga.