Literaturë
Fatos Kongoli shpallet autori shqiptar i vitit
Në kuadër të Panairit të 21-të Librit në Prishtinë, sot janë ndarë çmimet tradicionale të Shoqatës së Botuesve të Kosovës, përcjell albinfo.ch.
Çmimin “Autori i vitit shqiptar” iu nda shkrimtarit Fatos Kongoli, me veprën “Gënjeshtarë të vegjël” botuar nga Toena. Shkrimtari 75 vjeçar ka fituar edhe cmime të tjera, e librat e tij janë përkthyer në shumë gjuhë të huaja. Ardhja e Kongolit në këtë edicion të panairit, po ashtu u mirëprit nga lexuesit shqiptarë. Nuk ishin të paktë lexuesit që shkuan dhe e vizituan në stendën e botuesit të tij, pikërisht për ta takuar Kongolin.
Nga ShBK kanë njoftuar edhe për çmimet tjerë që u ndanë në kuadër të këtij panairi. Juria e përbërë nga Behar Gjoka, Marigonë Kelmendi Imer Topanica, ndanë këto çmime:
1. Çmimi për veprën më të mirë në letërsinë për fëmijë: Anila Kruti me librin Flutura e majit, botuar nga Toena
2. Çmimi “Stenda më e vizituar”: Shtëpia Botuese “Botart”
3. Çmimi për përkthimin më të mirë të vitit: përkthyeses Saverina Pasho për librin “Lehtësia e padurueshme e qenies” nga Milan Kundera, botuar nga Dituria
4. Çmimi për veprën më të mirë nga fusha e publicistikës: Mirela Oktrova për librin “55 ditë” botuar nga Onufri
5. Çmimi për veprën më të mirë në poezi: Ismail Syla për veprën “Sfinksi pyet sërish” botuar nga Buzuku
6. Çmimi për veprën më të mirë në prozë: Kim Mehmeti për veprën “Lutjet e mesnatës” botuar nga Agora
7. Çmimi për veprën kapitale: Shtëpisë botuese “Meshari” për kompletin e veprimtarisë letrare të Ymer Elshanit
8. Çmimi “Autori i vitit i huaj” për shkrimtarin Jacques Baudouin, me veprën “Lindja e një demokracie” botuar nga Buzuku
9. Çmimi “Autori i vitit shqiptar” për shkrimtarin Fatos Kongoli, me veprën “Gënjeshtarë të vegjël” botuar nga Toena
Panairi i Librit Prishtina 2019 u hap më 5 qershor në Pallatin e Rinisë, dhe do të mirëpresë lexues e dashamirë të librit deri nesër (9 qershor).
Të ngjashme
Të tjera nga Literaturë
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?