Gruaja
Fatmire Bajramaj në reklamë për “Nike”
Para kamerave, ajo paraqitet me një figurë po aq tërheqëse, sikur edhe në fushën e gjelbër
Pas Xherdan Shaqirit edhe futbollistja tjetër nga Kosova e kombëtares së Gjermanisë, Fatmire Bajramaj është ftuar nga kompania e njohur e pajisjeve sportive “Nike” për të reklamuar produktet e saja.
Para kamerave, ajo paraqitet me një figurë po aq tërheqëse, sikur edhe në fushën e gjelbër.
Mesfushorja Baramaj, me prejardhje nga Istogu paraqitet duke ushtruar me pajisjet sportive “Nike”. Ajo thotë se pa stërvitje nuk arrihet asgjë dhe po ashtu duhet një disiplinë e fortë ..
Ajo ka treguar edhe për historinë e saj kur ishte penguar nga babai i saj që mos të merret me futboll.
Në video-reklamën “Make Yourself Victorious”, ajo rrëfen historinë e suksesit të saj dhe thotë se kishte realizuar ëndrrën e saj jetësore duke arritur të bëhet yll futbolli prej një vajze refugjate nga Kosova.
Fatmire Bajramaj apo siç është e njohur si Lira, ka dhënë një porosi për vajzat e reja në këtë video-reklamë. “Luftoni për realizimin e ëndrrave tuaja se gjithçka është e mundur”, ka thënë Lira.
Po ashtu për yllin e futbollit, Fatmire Bajramaj, ishte botuar një libër që ishte titulluar “Qëllimi im në jetë “. Në këtë libër ajo ka rrëfyer për rrugën e gjatë deri te fama.
“Opinioni duhet ta dijë se sa e vështirë është për fëmijët refugjatë për t’u integruar. Vetëm sporti më ka ndihmuar për të gjetur miq. Me librin unë dua të inkurajoj të rinjtë emigrantë të ndjekin shembullin tim”, kishte thënë Bajramaj.
Bajramaj famën e vërtetë e kishte arritur në një shou televiziv sportiv të televizionit gjerman ZDF, më 2009, kur me këpucë takash të larta kishte shënuar gol.
Bajramaj me vetëm 22 vjet ka arritur shumëçka në karrierën e saj.
Ndër të tjera është shpallur kampione e botës me Gjermaninë (2007), ka fituar medaljen e bronztë në Olimpiadën “Pekini 2008”, kurse në vitin 2010, për çka ka marrë edhe vlerësimin e parë nga FIFA, është shpallur kampione e Evropës me Përfaqësuesen e Gjermanisë.
Me klubin Turbine Potsdam ka fituar Ligën e Kampionëve dhe titullin e Gjermanisë.
Ajo së fundi ka kaluar në ekipin FFC Frankfurt
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?