Evropa regjistron mbi tre milionë raste me COVID-19

(KEYSTONE/Jean-Christophe Bott)

Mbi tre milionë raste me koronavirus janë regjistruar zyrtarisht në Evropë, gjysma e të cilave në Rusi, në Britaninë e Madhe, në Spanjë dhe në Itali, sipas të dhënave zyrtare.

Evropa regjistroi sot në mëngjes 3,002,861 raste për një total botëror prej 15,237,784 infektimesh. Kontinenti mbetet më i prekuri në botë për nga numri i të vdekurve, 206,633 të vdekur nga COVID-19 nga 626,994 të vdekur të regjistruar në gjithë botë, përcjell albinfo.ch.

Rusia kryeson listën me 795,038 raste dhe 12,892 të vdekur.

Britania e Madhe me 296,377 raste dhe 45,501 të vdekur.

Spanja me 267,551 raste dhe 28,426 të vdekur.

Italia me 245,032 raste dhe 35,082 të vdekur.

Ky numër rastesh të diagnostikuara nuk reflekton numrin real të kontaminimeve, pasi shumë vende nuk disponojnë burime të mjaftueshme për të ndërmarrë fushata të gjera depistimi.