Kosova
Escobar: Korrupsioni, problemi më i madh i Ballkanit
Zyrtari amerikan foli për sfidat e rajonit në Këshillin e Atlantikut
Për Shtetet e Bashkuara korrupsioni është problemi më i madh për rajonin e Ballkanit Perëndimor. Dhe, sipas zëvendësndihmës sekretarit të Shtetit për Europën dhe Euroazinë, Gabriel Escobar, Shtetet e Bashkuara do të vazhdojnë përpjekjet për demokraci dhe luftë kundër korrupsionit, përfshirë vendosjen e sanksioneve ndaj udhëheqësve të korruptuar.
“Korrupsioni është problemi më i madh për rajonin. Nacionalizmi dhe rivaliteti etnik është me të vërtetë vetëm një maskë për këtë (korrupsionin). Udhëheqësit duhet të ndërmarrin veprime, duhet t’i largojnë këta njerëz nga pozitat e përgjegjësisë, t’i heqin nga listat e partive dhe kjo vlen për të gjitha vendet në rajon”, tha Gabriel Escobar.
Zyrtari amerikan tha se situata e krijuar nga lufta e Rusisë kundër Ukrainës u ka dhënë shtysë përpjekjeve të Perëndimit për zgjidhjen e problemeve të mbetura në rajon. Escobar tha se Shtetet e Bashkuara duan të shohin integrim sa më të shpejtë të Ballkanit Perëndimor në institucionet euro-atlantike.
“Tek aleatët tanë europianë është rritur ndjenja e urgjencës për të zgjidhur disa nga problemet dhe përshpejtuar disa nga proceset që do ta çojnë rajonin në drejtimin e duhur. Dhe kështu, në këtë drejtim, kriza në Ukrainë ka ndikuar tek përqendrimi në realitetet e asaj që po ndodh në Ballkanin Perëndimor”, tha Gabriel Escobar.
Duke folur në Këshillin e Atlantikut, Escobar tha se pret përparim vitin e ardhshëm në bisedimet mes Kosovës dhe Serbisë në bazë të planit franko-gjerman.
“A mund të realizohet ose jo deri në pranverën e ardhshme varet nga ritmi i negociatave dhe ritmi i takimeve, i cili nuk varet nga SHBA-ja, por varet nga evropianët. Por unë mendoj se mund të fillojmë të shohim skeletin e një marrëveshjeje të dalë vitin e ardhshëm. Dhe unë do të doja ta shihja një gjë të tillë”, tha Gabriel Escobar.
Zyrtari amerikan foli edhe për Asociacionin e komunave me shumicë serbe, duke thënë se marrëveshja për të duhet të zbatohet dhe se të dyja palët duhet të mendojnë për banorët e Veriut dhe perspektivën e tyre.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa