Ersida, nga Harvardi te kërkimet shkencore në klinikën Mayo në Boston

Ersida Buraniqi ka studiuar sistemin nervor të fëmijëve

Ersida Buraniqi është shqiptarja nga Shkodra, e cila ka një përvojë të pasur profesionale.

Shpeshherë për njeriun mjafton dëshira, puna dhe vullneti për të arritur në realizimin e ëndrrave, aty ku do. Kjo ndodhi me Ersida Buraniqin, një vajzë energjike, me ambicie të mëdha për jetën, duke mos ndaluar së punuari për synimet dhe qëllimet e saj.

Ersida Buraniqi në fakt ka studiuar para disa vjetëve për sistemin nervor të fëmijëve.

E diplomuar në shkollën e mjekësisë në Harvard, ajo më shumë se 5 vjet jep kontributin e saj në kërkime shkencore në klinikën Mayo në Boston, SHBA.

Ajo po ashtu ka zhvilluar një studim shumë të detajuar mbi një “etiologji të trajtueshme të epilepsisë së lobit të përkohshëm pediatrik farmakoresistant” në Shoqatën Amerikane të Neuroradiologjisë Pediatrike në Miami, Florida!

Buraniqi është njëra nga gratë e suksesshme në SHBA, por sigurisht jo e vetmja, pasi shqiptarët tashmë janë të suksesshëm në sektorë të ndryshëm, shkruan tutje albinfo.ch.

 

---