Lajme
Energjia s’ka qenë asnjëherë më e rëndësishme se sot, nis fushata për kursim
Evropa ka nisur një fushatë edukimi, këshillimi e sensibilizimi: “Kursejmë energji, që ta kemi!
Për të ndërgjegjësuar qytetarët për kursimin e energjisë në vend, në një kohë krize si kjo, me të cilën po përballet i gjithë rajoni dhe Evropa, ka nisur një fushatë edukimi, këshillimi e sensibilizimi: “Kursejmë energji, që ta kemi!
Mesazhet që përcillen janë të qarta: Energjia nuk ka qenë kurrë më e rëndësishme se sot. Çdo veprim yni në kursimin e energjisë, sjell ndikim të madh, siguron më shumë energji elektrike për ditët e muajt në vazhdim. Të gjithë bashkë mund ta ruajmë energjinë! Duhet ta bëjmë jo vetëm për veten, për ekonominë e shtëpisë, por dhe për të mirën e Shqipërisë! Çdo vat që kursehet vlen, sidomos në faturën tonë elektrike, ku çmimin e lartë të energjisë së importuar në treg, për familjet dhe bizneset e vogla shqiptare do ta mbulojë qeveria, transmeton a2, përcjell Albinfo.ch.
Ndërsa në Gjermani çmimi që duhet të paguajnë familjarët është rritur me 19 %, në Itali me 83%, në Spanjë me 126% apo edhe në Greqi me 112% më shumë, në Shqipëri, për të gjithë konsumatorët që do të respektojnë masën e kursimit, fashën e 800 kilovatë/orë shpenzim në muaj, çmimi nuk do të rritet. Për ta, në çdo rast, me një ambicie e kurajo të madhe, këto kosto do t’i mbulojë shteti, edhe pse çmimet e energjisë që blihen sot në treg janë 10-fish më të shtrenjta krahasuar me vitet e mëparshme.
Por edhe qytetarët duhet të kryejnë misionin e tyre: të ulin ndjeshëm konsumin e energjisë në shtëpitë e punët e tyre. Të mos e kalojnë 800 kilovatë/orë shpenzim në muaj, të vendosur si masë kursimi. Nëse e kalojnë, do të duhet të paguajnë më shumë, të paktën për periudhën tetor- dhjetor, pas së cilës situata energjetike do të analizohet sërish.
Deri atëherë duhet ta kursejmë energjinë, që ta kemi! Çdo ditë, me veprime të vogla, por që sjellin ndikim të madh!
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Në aeroportin e Bazelit anulohet fluturimi për në Prishtinë, mërgimtarët ankohen
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani