Lajme
Eksperimenti interesant në Alpet zvicerane për t’u mbrojtur nga rrufetë
Ideja është që retë të shkarkojnë rrufe në mënyrë të kontrolluar
Një ekip studiuesish nga Universiteti i Gjenevës ka bartur një laser të madh në majë të një mali, për të stimuluar një rrufe, përmes teknologjisë së lartë.
Ekipi drejtohet nga Jean-Pierre Wolf, një fizikant zviceran, i cili ka punuar me laser për më shumë se 20 vjet dhe ka qenë veçanërisht i magjepsur me përpjekjen për të kontrolluar motin.
Pas një viti vonesash për shkak të pandemisë, laseri është transportuar në majën e Säntis, një mal në alpet zvicerane me një lartësi prej 2.500 metra.
“Ky është një nga vendet që është goditur më shumë nga rrufetë në Evropë”, shpjegoi Wolf “Ekziston një kullë transmetimi radio atje e cila goditet 100 deri në 400 herë në vit. Pra, është një vend ideal për të bërë eksperimentet tona të provës së konceptit.”
Lazeri imiton dhe rrit skenarin natyror të rrufeve, duke gjeneruar një fushë elektrike aq të fortë saqë shqyen elektronet nga atomet e tyre drejtpërdrejt, duke vendosur ngarkesat e kundërta që janë të nevojshme për formimin e rrufesë, shkruan Scan, transmeton albinfo.ch.
Ideja është që retë të shkarkojnë rrufe në mënyrë të kontrolluar.
“Kjo është arsyeja pse ne e quajmë atë një shufër rrufeje lazer”, tha Wolf, duke shtuar: “Rrezja do të kalojë krahas kullës ekzistuese të transmetimit, e cila është mbi 120 metra”.
Shkopinjtë tradicionalë të rrufesë janë në gjendje të mbrojnë vetëm një zonë të kufizuar në tokë, pavarësisht se sa të larta janë. Wolf shpreson se lazeri, megjithatë, do të ndihmojë në mbrojtjen e një zone më të madhe në tokë, megjithëse ende nuk mund të thotë se sa më të madhe.
Të ngjashme
Të tjera nga Lajme
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?