Edhe Loredana nominohet në “MTV Europe Music Awards 2021”

Një sukses ndërkombëtar të radhës e ka shënuar edhe reperja Loredana, e cila është nominuar në ndarjen e çmimeve prestigjioze “MTV Europe Music Awards 2021”, shkruan albinfo.ch.

Vlen të theksohet se Loredana dhe Gjoni janë nominuar në të njëjtën kategori, të dy artistët garojnë së bashku për çmimin “Performuesit më të mirë zviceranë”.

Lajmin e kanë bërë të ditur si Loredana, ashtu edhe Gjoni në llogaritë e tyre përkatëse në Instagram.

“A keni votuar tashmë? Më dërgoni fotografinë”, ka shkruar Loredana në një InstaStory pasi kuptoi që ishte e nominuar.

Kujtojmë që kjo është hera e tretë që Loredana nominohet në “MTV Europe Music Awards”.

Theksojmë që “MTV EMA 2021” këtë vit do të transmetohet live më 14 nëntor nga Papp Laszlo Budapest Sportarena të Hungarisë. /Albinfo.ch