Shqipëria

Edhe Durrësi “pushtohet” nga jahtet turistike

E hënë, 30 Korrik 2018 - 8:30 albinfo.ch

Një muaj i mbarë ka qenë korriku për portin e Durrësit, ku prej datës 1 deri më 24, plotë 81 jahte turistike janë ankoruar në këtë port.

Numri i jahteve turistike gjatë vitit 2018 pritet të dyfishohet, krahasuar me vitin e kaluar, shkruajnë mediat shqiptare.

Zyrtarisht mësohet se në Durrës që nga viti 2017 është ankoruar një numër i madh jahtesh me gjatësi nga 30-100 metra, përgjithësisht prodhime të viteve të fundit në kantiere të njohura të botës, përcjell albinfo.ch.

Përveç shërbimeve portuale, turistët dhe drejtuesit e jahteve kanë vizituar qendrat arkeologjike të Durrësit.

Nga fillimi i muajit janar 2018 në Durrës kanë mbërritur 214 jahte, ndërsa shifra e të gjithë vitit 2017 ka ndaluar në 294 jahte gjithsej.

 Të ngjashme

“Me tank, kundër patriarkatit”, gruaja që prodhoi autoblindën e parë shqiptare

 Të tjera nga Shqipëria

Protestë në Gjenevë në mbështetje të mobilizimeve në Shqipëri

 E-Diaspora

 Jeta në Austri