Kinema
Dy regjisore nga Kosova me filmat e tyre në festivalin e filmit në Braunschweig
Në premierën gjermane merr pjesë edhe filmi "The Hill where Lionesses Roar" ("Kodra ku vrumbullojnë luaneshat") i 20-vjeçares kosovare Luana Bajrami
Festivali Ndërkombëtar i Filmit në Braunschweig ka filluar më 1 nëntor dhe, deri më 7 nëntor kur përfundon, në kuadër të tij do të shfaqen 230 filma të metrazhit të gjatë dhe të shkurtër, transmeton albinfo.ch .
Seria “New International Cinema” e këtij festivali, jep një pasqyrë të krijimit aktual të filmit në mbarë botën. Mund të shihen gjithsej 20 kontribute – duke përfshirë filma nga Islanda, Bangladeshi, Kosova, Singapori dhe Rusia.
Sigurisht, ndër filmat që bien në sy është edhe fituesi i trefishtë nga Festivali Sundance “Hive” (Zgjoi), i cili bën fjalë për gratë në Kosovë, shkruan ndr.de.
Në serinë kryesore të Festivalit të Filmit në Braunschweig për çmimin e audiencës “Der Heinrich”, hyjnë në garë dhjetë produksione të kineastëve të rinj evropianë. Ato vijnë nga Qiproja, Malta, Britania e Madhe dhe Danimarka, ndër të tjera.
Është për t`u theksuar se krahas filmit tashmë shumë të njohur “Zgjoi”, në këtë festival debuton edhe një regjisore shqiptare, shkruan albinfo.ch. Kështu, në premierën gjermane merr pjesë edhe filmi “The Hill where Lionesses Roar” (“Kodra ku vrumbullojnë luaneshat”), i 20-vjeçares kosovare Luana Bajrami.
“Ne kemi dy filma nga Kosova në program: një në konkurrim dhe një në kinemanë ndërkombëtare. Po kështu do të ketë shumë të tjerë në vitet në vijim. Kjo është shumë emocionuese dhe e rëndësishme sepse kemi të bëjmë me histori të tilla të cilat përndryshe nuk mund të shiheshin në ekrane”, thotë Karina Gauerhof, drejtuese e programi të festivalit.
Luana Bajrami është lindur në Kosovë në vitin 2001. Kur ishte shtatë vjeçe, ajo u shpërngul në Francë me prindërit e saj; familja jeton në Val-de-Marne.
Bajrami u shfaq për herë të parë para kamerës në moshën dhjetë vjeçare dhe luajti përkrah Miou-Miou në filmin televiziv “Le choix d’Adèle” nga Olivier Guignard. Kjo u pasua nga shkollimi për teatër në Conservatoire de Limeil-Brévannes dhe Baccalauréat, të cilin ajo e kaloi një vit më herët se zakonisht.
Luana Bajrami ka luajtur role në filma të ndryshëm me metrazh të shkurtër. Në L’heure de la sortie nga Sébastien Marnier, në vitin 2018 ajo është parë për herë të parë në një film.
Pas këtij filmi ajo ka luajtur një rol dytësor në filmin “Portreti i një gruaje të re në flakë”, të regjisores Celine Sciamma në vitin 2019, shkruan albinfo.ch. Për këtë film, Luana Bajrami ka marrë një nominim për César në vitin 2020 si aktorja më e mirë e re, për portretizimin e shërbëtores së shtëpisë, Sophie.
Të ngjashme
Të tjera nga Kinema
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri