Dy prej katër këngëtareve të famshme shqiptare vinë me bashkëpunim

Nga fansat pritej tash e sa kohë që katër këngëtaret e famshme shqiptare, Rita Ora, Dua Lipa, Bebe Rexha dhe Ava Max të sjellin një bashkëpunim. Por atë pritet ta bëjnë vetëm dy prej tyre

Nga fansat pritej tash e sa kohë që katër këngëtaret e famshme shqiptare, Rita Ora, Dua Lipa, Bebe Rexha dhe Ava Max të sjellin një bashkëpunim. Por atë pritet ta bëjnë vetëm dy prej tyre.

Dy këngëtaret shqiptare me famë botërore, Rita Ora dhe Ava Max pritet të sjellin bashkëpunim.

Sipas “The Sun”, Rita është duke punuar në studio për albumin e ri, i cili do të përfshijë edhe një bashkëpunim me Avën. 

“Rita tashmë është kthyer në studio duke punuar në albumin e saj të tretë, me sesionin e saj të fundit të incizimit me Ava Max dhe Noah Cyrus”, tha burimi, përcjell Albinfo.ch.

Rita Ora e lindur në Prishtinë dhe e rritur në Londër, ka dy albume: “Phoenix” dhe “O.R.A”. Ndërsa Ava Max, emri i vërtetë i së cilës është Amanda Koçi mori famë nga hiti i saj i famshëm “Sweet but Psycho”.

Këngëtarja me origjinë nga Saranda ka një album të publikuar në tregun ndërkombëtar, të titulluar “Heaven and Hell”./Albinfo.ch/

---

LAJME INTERESANTE NGA INTERNETI